Pinngortitap nipai kalaalerpalussuseq ersersinniarlugu kalaallit nipilersortartuisa ilaasa aamma atorsimavaat. Taamaaliortut siulliit ilagaat nipilersoqaatigiit Inneruulat nipilersukkaminni ”Qimusseq”-mi, nuussualiaminni ”Inneruulatut Naajararpugut”-mi 1981-imeersumi.
Nipilersoqatigiit Inneruulat Aasiammiuupput, pinngortitallu nipaa nipilersukkaminni aallarniutigisaat Kalaallit Nunaanni nalinginnaasuunngilaq, nipilu taanna Kalaallit Nunaata avannaaneersuuvoq aamma nipilersoqatigiit illoqarfigisaanni tusarsaalluartartoq. Qimmit qimuttut Kalaallit Nunaata Qeqqani Kujataanilu inerteqqutaasut nipaat qeraarpalullu aallarniutaapput, kingunitsianngualu nipilersoqatigiit appipput erinarsuutigilerlugulu qimusserneq qanoq nuannertigisoq, qimusserlu kalaallit kinaassusiannut inuiaqatigiillu kalaallit siunissaannut qanoq pingaaruteqartigisoq. Taamaalilluni ”Qimusseq”-mi taallaq Inneruulat nuussialiaanni ersersinneqarpoq nunagisamik pingartitsineq, “inuinnaat” aqutsinissaannut nunasiaataannginnissamillu oqariartuuteqartoq, oqariartuullu taanna atugaalluartarpoq Kalaallit Nunaanni rockimik nipilersortartut saqqummersalersut siulliit ilaanni, soorlu Sume aamma Piitsukkut.
”Qimusseq” Inneruulat nuussualiaanniittoq tusarnaaruk:
