Zikaza 80’kkut qiteqqunneranni Århusimi pilersinneqarput. Erinarsortoq, guitarertartoq erinarsuusiortorlu Siiva Fleischer nipilersoqatigiit oqaluttuassartaani kisiartaalluni pingaarnersaavoq. Zikaza sisamanik nuussualiorsimapput nipilersortartut danskit kalaallillu assigiinngitsut inuttarisarsimallugit. Nuussualiaat siulleq ”Zikaza” 1985-imeersuuvoq, tulleriiaallugit saqqummersippaat ”Miki Goes to Nuussuaq” 1988-imeersoq, ”Saava Mumingalu” 1990-imeersoq aamma ”Assit” 1996-imeersoq. Nuussualiap kingulliup immiutereerneratigut Siiva Fleischer Nuummut uteqqilluni nuuppoq ukiuni arlalinni Danmarkimi najugaqareersimalluni taamanimiillu Zikaza uninngagallarput aallarteqqeriaannaallutik. 2005-mi Siivap nipilersoqatigiit aallarteqqippai Nuummi najugalinnik inuttaqartillugit taamanimiillu Zikaza ataavartumik tusarnaartitseqqittalerput.
Nipilersortartut namminneq nittartagaat malillugu nuussualiaq ”Miki Goes to Nuussuaq” KalaallitNunaata oqaluttuarisaanerani nuussualiat tunisaanerpaartaraat.
Siiva Fleisherip immikkuulluarissumik nipeqarnera Zikazakkut nipilersortarneranni pingaarnertut ilisarnaataasarpoq, kisianni aamma nipilersoqatigiit qarlortaatinik atuingaatsiartarnerat ilaatigut kalaallisut nipilersortarnerannit allaassutaasarpoq kalaallimmi nipilersortaasianni qarlortaatit qaqutiguungaatsiarmata.
Zikaza ullumikkut Kalaallit Nunaanni suli nuannarisaasorujussuupput, naak nipilersoqatigit 1996-imiilli nuussualiamik saqqummersitseqqissimanngikkaluartut.
Nalunaarsuut:
Kalaallisuunngortitsisuuvoq Erno Aronsen.