{"id":744,"date":"2014-07-01T18:56:00","date_gmt":"2014-07-01T18:56:00","guid":{"rendered":"https:\/\/greenlandicpopularmusic.com\/gl\/?page_id=744"},"modified":"2014-07-01T18:56:00","modified_gmt":"2014-07-01T18:56:00","slug":"kalattuut","status":"publish","type":"page","link":"https:\/\/greenlandicpopularmusic.com\/gl\/kalattuut\/","title":{"rendered":"Kalattuut"},"content":{"rendered":"<p>Kalaallit nipilersortaasiannik sunniineq siulleq uppernarsarneqarsinnaasoq kujataaniit pivoq, arfanniat Europameersut ilisimassarsiortullu ataasiakkaannguit Kalaallit Nunaata Candallu akornisigut Davis Str\u00e6dikkoorlutik Kalaallit Nunaata kitaani inoqarfinnut nunalittalermata. Taamaalilluni 1500-kkut naalerneranni kalaallit Europamiullu niuernikkut attaveqatigiittoqartalerpoq.<\/p>\n<p>Nioqqutissat saniatigut Europamiut umiartortuisa nassataraat qitigissat niperujoorutillu, tamakkulu kingorna kalattuunik taaneqartalersunut tunngaviliisuupput. Qitigissat arfannianit tikiunneqartut tassaagunarput qitigissat reel-inik jig-inilluunniit taaneqartartut. Marlukkuutaarluni qitittaatsit ullumikkut atugaanerusut, saqisaat kaavikuluullu, Europami aatsaat 1840-kkunni ilisimaneqalerput, Kalaallit Nunaannullu tikiunneqarsimassapput Danmarkip Kalaallit Nunaat pisortatigoortumik nunasiarilereeraa, Europamiullu Atlantikup avannaatungaani arfanniarnerata uninnerata missaani.<\/p>\n<p>Nipilersuutit kalattuunik atuinissamut naleqquttut, agissat, supputaasat kingornalu pattagissat tukkartarissat Kalaallit Nunaannut tikisinneqartalerput, ilaannilu kalaallit nipilersuutissaminnik namminneq sanasalerput.<\/p>\n<p>Kalattuut isumaqarpoq &#8216;kalaallit atortagaat&#8217;, taamalu taaguusiinerup takutippaa qiteriaatsit tamakku kalaallit kulturiannut pulavissimasut.<\/p>\n<p>Kalattuut kulturitut ullumikkut siammarsimasorujussuupput, nalliuttorsiornerni imaluunniit sunngiffimmi sammisatut, nipilersoriaaserli qitittaaserlu arfannianik naapitsinermit pinngoraluartut Europami taama periaatsinit allaanerupput. Soorlu Europami atorneqartartunit sukkanerupput, qitinnermilu alloriaatsinik ilaneqarsimapput qularnanngitsumik tivanermit qilaatersornermillu pisunik.<\/p>\n<p>Kalattuut ullumi atorneqartarput ilaanni pingaartorsiortumik, soorlu kalaallisoortunit, nalliuttorsioqatigiinnerni pingaartorsiorpalunnginnerusumik, katersortarfinni qittattoqartillugu aliikkusersoqatigiinnernilu kalaaliussusermik takutitsiniutitut.<\/p>\n<p>Kalattoortoqartillugu nipilersuutit suulluunniit atorneqarsinnaapput imaluunniit immiussanik nipilersortoqartarluni. Pattagissat innaallagiatortut digitaliusullu, qatituunik tumerparpaanillu nipiliuutitallit, ullumikkut kalalattoortoqartillugu nipilersuutigissallugit nuannerineqartarput.<\/p>\n<p style=\"text-align: center;\">\n<em>Ilulissani qittattuni kalattoortut isiginnaakkit:<\/em><\/p>\n<p style=\"text-align: center;\"><a href=\"https:\/\/www.youtube.com\/watch?v=RL2NAYoUEpE&amp;feature=relmfu\" target=\"_blank\"><img loading=\"lazy\" class=\"alignnone wp-image-745 size-medium\" src=\"https:\/\/greenlandicpopularmusic.com\/gl\/wp-content\/uploads\/sites\/3\/2014\/07\/Kalattuut-300x183.png\" alt=\"Kalattuut\" width=\"300\" height=\"183\" srcset=\"https:\/\/greenlandicpopularmusic.com\/gl\/wp-content\/uploads\/sites\/3\/2014\/07\/Kalattuut-300x183.png 300w, https:\/\/greenlandicpopularmusic.com\/gl\/wp-content\/uploads\/sites\/3\/2014\/07\/Kalattuut.png 467w\" sizes=\"(max-width: 300px) 100vw, 300px\" \/><\/a><\/p>\n<p>&nbsp;<\/p>\n<p><strong>Kalattuut pillugit atuakkiaq:<\/strong><\/p>\n<p>Ringsted, Poul (1997): \u201dDands er Gr\u00f8nl\u00e6ndernes kj\u00e6reste Forlystelse\u201d<\/p>\n","protected":false},"excerpt":{"rendered":"<p>Kalaallit nipilersortaasiannik sunniineq siulleq uppernarsarneqarsinnaasoq kujataaniit pivoq, arfanniat Europameersut ilisimassarsiortullu ataasiakkaannguit Kalaallit Nunaata Candallu akornisigut Davis Str\u00e6dikkoorlutik Kalaallit Nunaata kitaani inoqarfinnut nunalittalermata. Taamaalilluni 1500-kkut naalerneranni kalaallit Europamiullu niuernikkut attaveqatigiittoqartalerpoq. Nioqqutissat saniatigut Europamiut umiartortuisa nassataraat qitigissat niperujoorutillu, tamakkulu kingorna kalattuunik taaneqartalersunut tunngaviliisuupput. Qitigissat arfannianit tikiunneqartut tassaagunarput qitigissat reel-inik jig-inilluunniit taaneqartartut. Marlukkuutaarluni qitittaatsit ullumikkut atugaanerusut, saqisaat kaavikuluullu, [&hellip;]<\/p>\n","protected":false},"author":2,"featured_media":0,"parent":0,"menu_order":0,"comment_status":"open","ping_status":"open","template":"","meta":[],"_links":{"self":[{"href":"https:\/\/greenlandicpopularmusic.com\/gl\/wp-json\/wp\/v2\/pages\/744"}],"collection":[{"href":"https:\/\/greenlandicpopularmusic.com\/gl\/wp-json\/wp\/v2\/pages"}],"about":[{"href":"https:\/\/greenlandicpopularmusic.com\/gl\/wp-json\/wp\/v2\/types\/page"}],"author":[{"embeddable":true,"href":"https:\/\/greenlandicpopularmusic.com\/gl\/wp-json\/wp\/v2\/users\/2"}],"replies":[{"embeddable":true,"href":"https:\/\/greenlandicpopularmusic.com\/gl\/wp-json\/wp\/v2\/comments?post=744"}],"version-history":[{"count":1,"href":"https:\/\/greenlandicpopularmusic.com\/gl\/wp-json\/wp\/v2\/pages\/744\/revisions"}],"predecessor-version":[{"id":746,"href":"https:\/\/greenlandicpopularmusic.com\/gl\/wp-json\/wp\/v2\/pages\/744\/revisions\/746"}],"wp:attachment":[{"href":"https:\/\/greenlandicpopularmusic.com\/gl\/wp-json\/wp\/v2\/media?parent=744"}],"curies":[{"name":"wp","href":"https:\/\/api.w.org\/{rel}","templated":true}]}}