{"id":524,"date":"2013-01-04T16:08:04","date_gmt":"2013-01-04T16:08:04","guid":{"rendered":"https:\/\/greenlandicpopularmusic.com\/gl\/?page_id=524"},"modified":"2015-11-26T14:05:31","modified_gmt":"2015-11-26T14:05:31","slug":"g-60","status":"publish","type":"page","link":"https:\/\/greenlandicpopularmusic.com\/gl\/g-60\/","title":{"rendered":"G-60"},"content":{"rendered":"<div id=\"attachment_525\" style=\"width: 679px\" class=\"wp-caption alignleft\"><a href=\"https:\/\/greenlandicpopularmusic.com\/gl\/wp-content\/uploads\/2013\/01\/G-60-i-Qilaat-music-m.-Kim-Larsen-besk\u00e5ret.jpg\"><img aria-describedby=\"caption-attachment-525\" loading=\"lazy\" class=\" wp-image-525\" title=\"G-60 og tekniker Kim Larsen i Qilaat-music's studie i Nuuk\" src=\"https:\/\/greenlandicpopularmusic.com\/gl\/wp-content\/uploads\/2013\/01\/G-60-i-Qilaat-music-m.-Kim-Larsen-besk\u00e5ret.jpg\" alt=\"\" width=\"669\" height=\"491\" \/><\/a><p id=\"caption-attachment-525\" class=\"wp-caption-text\">G-60 Kim Larsenilu, Qilaat-music studiomi, Nuumi januaari 1987. Saamimmit: Hans Rosenberg, Aqqa Johansen, Kim Larsen (saatungaa), Eigil Petersen (tunuliaqut), Tuka Lynge, Jacob Johansen.<\/p><\/div>\n<p>G-60 80\u2019kkut naaneranni 90\u2019kkunnilu Kalaallit Nunaanni rockimik nipilersortartut nuannarineqarnerpaat ilagaat. Nipilersoqatigiit 1983-imi Nuummi pilersinneqarput makku inuttaralugit: Eigil Petersen: Guitari erinarsortorlu, Jacob Johansen: Guitari, Pele Madsen: Keyboards, Mike Holm: Bas aamma Hans Rosenberg: Tumerparpaat. Ukiut ingerlanerini nipilersoqatigiit inuttaqarnerat allanngorangaatsiartarsimavoq pissutsit aaqqiagiinnginnerillu pissutaallutik. Nipilersoqatigiiinni siuttuussimavoq guitarertartoq, erinarsortartoq erinarsuusiortartorlu Eigil Petersen Kalaallit Nunaanni nipilersortarnerup oqaluttuarisaanerani assigiinngitsorpassuartigut saqqumisarsimasoq Kalaallit Nunaanni nipilersukkanik saqqummersitsisarnermi peqataajuartarsimanermigut. Aamma Kalaallit Nunaanni nipilersullammaat arlallit ukiut ingerlanerini G 60-kkunni nipilersoqataasarsimapput taakkulu ilaat arlallit aamma piffissat ilaanni Nuummi nipilersoqatigiinni Simikkunni nipilersortartooreersimasarput.<\/p>\n<p>Nipilersoqatigiit ukiuminni siullermi ateqarsimanngillat, kisianni ateq G 60 pilersinneqarpoq taamanikkut nipilersoqatigiit erinarsortartoq erinarsuusiortartorlu Ulf Fleischer (massakkut tusaamasaasoq) sallersaralugu erinarsortartorigallaramikku Eigilip nipilersoqatiginni siuttunngunnginnerani. Ateq G-60 tunngaveqarpoq G-60-imik ataatsimiititaliap isumaliutissiissutaanik taamanikkut nutaanngorsaaleruttorfimmi politikkip isorineqartaqisup ilaanik aamma qallunaanngorsaanermik taaneqartartumik, Kalaallit Nunaat 1953-imi Danmarkimi amtinngormat nipilersoqatigiillu G-60 ataatsimut isigalugu nipilersoqatigiittut Kalaallit Nunaanni naalakkersuinermut tunngasunik taallalinnik atuisartutut isigineqartarput piffissammi taamaalinerani Kalaallit Nunaanni naalakkersuinermut tunnganerusunik nipilersortarnerup qasukkariartornerata naligaa. Nipi nipilersoqatigiit nipaat eqqaassagaanni ukiut taakku ingerlaneranni nipilersoqatigiit nutaaliortutut isigineqartarput.<\/p>\n<p>G-60 pilersinneqarnernimmit ukiut arlalialuit aatsaat qaanngiummata Nuummi nuannarinnitsitik tiguarluarnerulerpaat. Taamanikkut Nuummi nipilersortartut unammillattaartarnerisa nalaani G-60\u2019kkut assigiinngitsutigut inissinneqartarput, kisianni 1985-imi nipilersoqatigiit rockimik nipilersortarnermik unammisitsinermi Nuummi ajugaammata nipilersoqatigiit nuannarisaanerat tunngavilerneqarpoq.<\/p>\n<p>Illoqarfimmi nipilersullaqqinneqqusaanerup kingorna Aqqa Johansen, kingorna atiminik Enoch Aqqa Nielsenimut allannguisoq, nipilersoqatigiinni keyboardertartutut ilaalerpoq Pele Madsen taarserlugu. Aqqa Johansen ilaatigut Nuummi nipilersortartuni, Qarsoq-mi, nipilersoqataasarsimavoq.<\/p>\n<p>Ukiut pingasut tusarnaartitsisarlutik nipilersoqatigiittareerlutik ikittuinnarnillu immiussisareerlutik G-60 ataatsimut saqqummiussami \u201dN.N.P. 86\u201d-imi ilanngussereerlutik namminneq taaguutertik atorlugu nuussualiorput Nuummi Qilaat-musicip saqqummiussaanik november 1986 \u2013 januar 1987-imut immiunneqartumik Kim Larsen nipigissaasoralugu. Tassani Tuka Lynge bassertuulerpoq Mike Holm taarserlugu. Tuka, Mike Holmitulli, Simik-mi nipilersortartuusimavoq, kisiannili aamma imerniartarfimmi Kalistiinnaaqqami sivisujaamik nipilersortartooreersimalluni. Tuka aamma immiussisarnermi Kim Larsenimut ikiortaalluni nipigissaaqataasuusarsimavoq.<\/p>\n<p>G-60\u2019kkut nipilersortaasiat taamanikkulli nuannarisaallualereersimavoq nuussualiaat LP 1987-imi saqqummermat nuussualiarlu taanna nuannarisaallualerpoq. Nuussualiornerup kingunitsiannguagut G-60\u2019kkut inuttaqarnerat allannguallaqqippoq. Michael Hansenip guitareertutut taarserpaa Jacob Johansen aamma Heidi Larsen erinarsortartuulerpoq. Aqqa Johansenip tunuarnera Tuka Lyngemit taarserneqarpoq keyboardertartunngorami keyboardikkut bassiitigisalerluni. Taamatut inuttaqarnermigut G-60\u2019kkut immiuppaat atugartik \u201dInuuneq\u201d \u201dPaarisa band\u201d-ip musicaliliaani Ulf Fleischerip aaqqissuussaani. Immiussaq suliarineqarpoq HIV\/AIDS pillugu paasititsiniaanermut atatillugu taannalu tapiiffigineqarpoq Peqqissaanermik Aqutsisunit aamma Kalaallit Nunaanni Pinaveersaartitsinermit \u2013 Paarisamik aamma taaneqartartumit. Immiussinerit ingerlanneqarput 1988-imi nuussiortitsiviup ULO\u2019sp Aasianni immiussisarfiani Aqisseq-mi.<\/p>\n<p>Nipilersoqatigiit ukioq ataasingajak sorpianngereerlutik 1990-ip aallartinnerani G-60\u2019kkut nuussualiaq \u201dNamminersorneq\u201d Qilaat-Music aqqutigalugu saqqummersippaat. Nuussualiaq Namminernerullutik Oqartussanit, namminersornerulluni oqartussaanerup 1989-imi ukiuni 10-nngortorsiorneranut atatillugu tapiiffigineqarpoq. Saqqummersitsinermut atatillugu nipilersoqatigiit nutaanik inuttaqaqqilerput. Eigil Petersen sallersaalluni erinarsortuujuarsinnarpoq Aqqa Johansenilu keyboardertartutut uterluni. Jakob S\u00f8ltoft ilannguppoq guitarertunngorluni aamma Tuka Lynge nipilersoqatigiinnit tunuarsimasoq Jorsi S\u00f8rensenimit taarserneqarpoq nipilersoqatigiinniit ilisimaneqartunit Inua-meersumit. Hans Rosenberg, Danmarkimut nuussimasoq, tumerparpaartartumit Ove Heilmannimit taarserneqarpoq.<\/p>\n<p>1997-imi G-60\u2019ip nuussuaq \u201cKinauvit?\u201d saqqummersippaat, taannalu nipilersoqatigiit nuussualiaviisa kingullersaraat. Nipilerssukkat Sermit Recordsimit immiunneqarlutillu saqqummersinneqarput, Eigil Petersenip nammineq immiussisarfiutaanit Qilaat-musicimit Per Berthelsenimit pisiarisimasaanit. Eigil Petersen, Jakob S\u00f8ltoft aamma Jorsi S\u00f8rensen siusinnerusukkut saqqummersitanit ilaaqqipput tassanili taperserneqarput arnanit erinarsortartunit <a href=\"https:\/\/greenlandicpopularmusic.com\/gl\/nina\/\">Nina<\/a> K. J\u00f8rgensenimit, <a href=\"https:\/\/greenlandicpopularmusic.com\/gl\/julie\/\">Julie<\/a> Berthelsenimit taassumallu qatanngutaanit Krissie Berthelsenimit, kingorna Nina aamma Julie Kalaallit Nunaanni arnat erinarsortartut tusaamaneqarnerpaartarilerpaat. Aamma keyboardertartoq Lars Peter Stubkj\u00e6r \u201dKinauvit?\u201d-mmi ilaavoq.<\/p>\n<p>2009-mi nuussualiaq saqqummersinneqarpoq G-60\u2019kkut atortagaannik immiusseqqinnikkut, taaguutilik \u201dNamminiilivinneq\u201d nuussiortitsivimmit Ice Musicimit saqqummersinneqartoq. G-60 atorunnaarsinneqavinngisaannarsimapput nipilersoqatigiillu assigiinngitsunik inuttaqartarlutik ataavartumik tusarnaartitsisarsimapput.<\/p>\n<p><strong>Nalunaarsuut:<\/strong><\/p>\n<p>Aallaaserisaq una Hans Rosenbergimik aamma Kim Larsenimik ulloq 10.06.2010-imi apersuinermik tunngaveqarneruvoq.<\/p>\n<p>Kalaallisuunngortitsisuuvoq Erno Aronsen.<\/p>\n<p>&nbsp;<\/p>\n","protected":false},"excerpt":{"rendered":"<p>G-60 80\u2019kkut naaneranni 90\u2019kkunnilu Kalaallit Nunaanni rockimik nipilersortartut nuannarineqarnerpaat ilagaat. Nipilersoqatigiit 1983-imi Nuummi pilersinneqarput makku inuttaralugit: Eigil Petersen: Guitari erinarsortorlu, Jacob Johansen: Guitari, Pele Madsen: Keyboards, Mike Holm: Bas aamma Hans Rosenberg: Tumerparpaat. Ukiut ingerlanerini nipilersoqatigiit inuttaqarnerat allanngorangaatsiartarsimavoq pissutsit aaqqiagiinnginnerillu pissutaallutik. Nipilersoqatigiiinni siuttuussimavoq guitarertartoq, erinarsortartoq erinarsuusiortartorlu Eigil Petersen Kalaallit Nunaanni nipilersortarnerup oqaluttuarisaanerani assigiinngitsorpassuartigut saqqumisarsimasoq Kalaallit [&hellip;]<\/p>\n","protected":false},"author":2,"featured_media":525,"parent":0,"menu_order":0,"comment_status":"open","ping_status":"open","template":"","meta":[],"_links":{"self":[{"href":"https:\/\/greenlandicpopularmusic.com\/gl\/wp-json\/wp\/v2\/pages\/524"}],"collection":[{"href":"https:\/\/greenlandicpopularmusic.com\/gl\/wp-json\/wp\/v2\/pages"}],"about":[{"href":"https:\/\/greenlandicpopularmusic.com\/gl\/wp-json\/wp\/v2\/types\/page"}],"author":[{"embeddable":true,"href":"https:\/\/greenlandicpopularmusic.com\/gl\/wp-json\/wp\/v2\/users\/2"}],"replies":[{"embeddable":true,"href":"https:\/\/greenlandicpopularmusic.com\/gl\/wp-json\/wp\/v2\/comments?post=524"}],"version-history":[{"count":17,"href":"https:\/\/greenlandicpopularmusic.com\/gl\/wp-json\/wp\/v2\/pages\/524\/revisions"}],"predecessor-version":[{"id":929,"href":"https:\/\/greenlandicpopularmusic.com\/gl\/wp-json\/wp\/v2\/pages\/524\/revisions\/929"}],"wp:featuredmedia":[{"embeddable":true,"href":"https:\/\/greenlandicpopularmusic.com\/gl\/wp-json\/wp\/v2\/media\/525"}],"wp:attachment":[{"href":"https:\/\/greenlandicpopularmusic.com\/gl\/wp-json\/wp\/v2\/media?parent=524"}],"curies":[{"name":"wp","href":"https:\/\/api.w.org\/{rel}","templated":true}]}}