{"id":497,"date":"2012-12-12T13:13:59","date_gmt":"2012-12-12T13:13:59","guid":{"rendered":"https:\/\/greenlandicpopularmusic.com\/gl\/?page_id=497"},"modified":"2014-09-26T08:48:01","modified_gmt":"2014-09-26T08:48:01","slug":"piitsukkut-2","status":"publish","type":"page","link":"https:\/\/greenlandicpopularmusic.com\/gl\/piitsukkut-2\/","title":{"rendered":"Piitsukkut"},"content":{"rendered":"
\"\"<\/a>

Saamimmit: Tinka Abelsen, Hans Peter Kleemann, Ujuunnguaq Ilinngivakkeeq, Maasi Lynge.<\/p><\/div>\n

Piitsukkut rockimik nipilersortartartuupput 70\u2019kkut naalerneranneersut Kalaallit Nunaanni nuannarisaallualersut nuussuarmik LP\u2019mik 1980-imi \u201dInuiaat Naqisimaneqartugut Kattutta\u201d-mik saqqummersitsinermikkut. Nipilersoriaaseq eqqarsaatigalugu Piitsukkut rockimik sakkortuumik nipilersortarput nunasiaateqarnermut akerliusumik taallartaqartartunik taamanikkut Sumikkut Innerulallu nalaanni pisartut assigalugit. Nipilersoqatigiit sallersaraat bassertartoq, erinarsortartoq erinarsuusiortartorlu Maasi Lynge Aasianneersoq, iggiingasumik ilungersorpaluttumik nipeqarnermigut pissutaagunartoq Piitsukkut Kalaallit Nunaanni punkimik nipilersortartut siullerpaartaattut kingorna ilisimaneqalernerannut.<\/p>\n

Maasi Lynge 60\u2019kkunni Aasianni nipilersornermik ingerlatsisut ilagaat nipilersoqatigiinni The Crying Thingsimi (TCT) nipilersortartuunermigut. Illoqarfiup realskoleani festernerit ilaanni guitarertartoq Upernavimmeersoq realskolemi ilinniartoq Hans Peter Kleemann naapippaa taamanikkut atuarfimmi nipilersortartut amerlaqisut ilaanni nipilersortartuusoq. Hans Peter Kleemann taamanikkut Qaqortumut nuuttussangorsimavoq radiotelegrafistitut ilinnialertussaanini pissutigalugu taamanikkullu Maasi Lyngep Hans Peter nipilersoqatissaqqissutut isigigamiuk Qaqortumut nooqqataavoq tassanilu Piitsukkut 1979-imi pilersinneqarput nipilersortartut allat marluk ilaliullugit, tassalu Tinka Abelsen tumerparpaartartoq aamma Ujuunnguaq Ilinngivakkeeq guitarertartoq.<\/p>\n

Nipilersoqatigiit ukiuminni siullermi Qaqortumi imerniartarfimmi Skipperkromi nipilersortalerput ilaannillu Katersortarfimmi qititsitsisarlutik. Aammattaaq nipilersoqatigiit illoqarfimmut qanittumiittumut Narsamut nipilersoriallatsiartarsimapput.<\/p>\n

1979-imi Qullissani Aasivimmi Maasi Lynge aasiviup immiussisarfiugallagaanut aqqusaatsiarpoq nipilersukkamilu \u201dNammineq Pitsinnik\u201d immiullugu nuussualiamut \u201dQangattarsa Qangattarsartigut \u2013mut ilaasussaq. Hjalmar Dahl aamma Karsten Sommer kalaallit nuussiortitsiaviannit ULO-meersut immiussisuupput kingornalu Piitsukkut tamakkerlugit qaaqquvaat K\u00f8benhavnimi Sweet Silence Studiomut LP-mik immiussitikkiartorlugit. April 1980-imi nipilersoqatigiit K\u00f8benhavniliarput nuussualiorput 9-nik atugartalimmik Hjalmar Dahl aamma Karsten Sommer aaqqissuisoqaralugit. Immiussinerit naammassimmata studiami festertoqarpoq ilaatigut Tuukkaq Teatremeersut peqataasoralugit tassanilu \u201dAasiviup Kalattuna\u201d immiunneqarpoq soorluttaaq taanna Aasivik 1980-imut nuuteqqatut tapertaasutut immiunneqarluni. Nuuteeraliaq naammassineqarmat aammattaaq taanna Piitsukkut LP-liaata saqqaata illuatungaanut ilanngunneqarpoq.<\/p>\n

Sweet Silence Studiomi immiussinerit naammassineqareermata Piitsukkut Danmarkimi pingasoriarlutik tusarnaartitsipput, ilaatigut 1. majimi Forumimi K\u00f8benhavnimiittumi. Taamanikkut Pitsukkut inuttaatik inuttaralugit tusarnaartitsisarnitik naggaserpaat. Nipilersoqatigiinni ilaasortat Kalaallit Nunaannut uteramik illoqarfinnut assigiinngitsunut siammartiterput.<\/p>\n

Piitsukkut immiussaat LP \u201dInuiaat Naqisimaneqartugut Kattutta\u201d aallaqqaataani imatorsuaq nuannarineqalertungikkaluarpoq. Upperisarsiornermik sammisallit \u201cPalasi\u201d KNR-kkut atoqqusaajunnaarsikkaluarpaat erinarsuutikkut Kalaallit Nunaata apostiliata Hans Egedep upperisarsiornerlu atorlugu inuiannik naqisimanninnerata pineqarnera assuaralugu. Erinarsuut assuarineqartoq aammattaaq LP\u2019p saqqaani assiliartaliuunneqarsimavoq titartaasartup Tikkili Pjetturssonip Niaqornaneersup titartagaa tassani naqinneqarsimammat. Titartakkami ersersinneqarput nunap pissusia, affaani Kalaallit Nunaanni nunaqarfik alianaatsoq aappaanilu illoqarfissuaq suliffissuaqarfiusoq ipertooq alianassuseqanngitsoq illuisalu qaaviniit Hans Egede oqaluusisoq.<\/p>\n

Erinarsugaq \u201dSeqineq\u201d Kalaallit Nunaanni pinngortitamut nuannarinninnermut tunngasoq radiokkut atorneqartalersut siullersaraat Kalaallit Nunaannilu tamanit nuannarineqarlualersut ilagaat aamma atugaat nuannarisaasut ilagaat \u201dNassuttuumut\u201d aavariat Aasianneersut Nassuttuumeersut pineqarlutik. Ukiut arlalialuit qaanngiummata aammattaaq \u201dPalasi\u201d-p tamanut ammaasumik atoqqusaajunnaarnera unitsinneqarpoq piffissallu ingerlanerani Piitsukkut Kalaallit Nunaanni rockimik nipilersortartut sallersaasut ilagilerpaat, naak nipilersoqatigiit taamanikkut nipilersortartunut allanut sanilliullugit allanik immiussaqarpallaanngikkaluartut.<\/p>\n

Piitsukkut nuussualiaat 1992-imi nipigissaqqinneqarmat cd-nngorlugulu saqqummersinneqarmat nuuteeraq \u201dAasiviup Kalattuna\u201d atugaallu \u201dNammineq Pitsinnik\u201d ilanngunneqarput Maasi Lyngemik immiussat ataatsimut katersorlugit saqqummiussinnaaqqullugit. Maasi Lynge sivisuumik napparsimareerluni 1987-imi toquvoq.<\/p>\n

Ukiut tuusintillit nikereermata nipilersoqatigiit sinneruttut assigiinnngitsunik inuttaqartarlutik assigiinngitsunillu soorlu Piitsukkut Jamimik aamma Piitsukkut (Mark 6)-imik ateqarlutik nipilersortarsimapput.<\/p>\n

Nalunaarsuut:<\/strong><\/p>\n

Allaaserisaq una tunngaveqarpoq Hans Peter Kleemannimik ulloq 19.06.2012-imi apersuinermik.<\/p>\n

Kalaallisuunngortitsisuuvoq Erno Aronsen.<\/p>\n

Links:<\/strong><\/p>\n

http:\/\/www.kamikposten.com\/KamikPosten_Piitsukkut_billedgalleri.htm<\/a><\/p>\n

 <\/p>\n","protected":false},"excerpt":{"rendered":"

Piitsukkut rockimik nipilersortartartuupput 70\u2019kkut naalerneranneersut Kalaallit Nunaanni nuannarisaallualersut nuussuarmik LP\u2019mik 1980-imi \u201dInuiaat Naqisimaneqartugut Kattutta\u201d-mik saqqummersitsinermikkut. Nipilersoriaaseq eqqarsaatigalugu Piitsukkut rockimik sakkortuumik nipilersortarput nunasiaateqarnermut akerliusumik taallartaqartartunik taamanikkut Sumikkut Innerulallu nalaanni pisartut assigalugit. Nipilersoqatigiit sallersaraat bassertartoq, erinarsortartoq erinarsuusiortartorlu Maasi Lynge Aasianneersoq, iggiingasumik ilungersorpaluttumik nipeqarnermigut pissutaagunartoq Piitsukkut Kalaallit Nunaanni punkimik nipilersortartut siullerpaartaattut kingorna ilisimaneqalernerannut. Maasi Lynge 60\u2019kkunni Aasianni nipilersornermik […]<\/p>\n","protected":false},"author":2,"featured_media":479,"parent":0,"menu_order":0,"comment_status":"open","ping_status":"open","template":"","meta":[],"_links":{"self":[{"href":"https:\/\/greenlandicpopularmusic.com\/gl\/wp-json\/wp\/v2\/pages\/497"}],"collection":[{"href":"https:\/\/greenlandicpopularmusic.com\/gl\/wp-json\/wp\/v2\/pages"}],"about":[{"href":"https:\/\/greenlandicpopularmusic.com\/gl\/wp-json\/wp\/v2\/types\/page"}],"author":[{"embeddable":true,"href":"https:\/\/greenlandicpopularmusic.com\/gl\/wp-json\/wp\/v2\/users\/2"}],"replies":[{"embeddable":true,"href":"https:\/\/greenlandicpopularmusic.com\/gl\/wp-json\/wp\/v2\/comments?post=497"}],"version-history":[{"count":9,"href":"https:\/\/greenlandicpopularmusic.com\/gl\/wp-json\/wp\/v2\/pages\/497\/revisions"}],"predecessor-version":[{"id":877,"href":"https:\/\/greenlandicpopularmusic.com\/gl\/wp-json\/wp\/v2\/pages\/497\/revisions\/877"}],"wp:featuredmedia":[{"embeddable":true,"href":"https:\/\/greenlandicpopularmusic.com\/gl\/wp-json\/wp\/v2\/media\/479"}],"wp:attachment":[{"href":"https:\/\/greenlandicpopularmusic.com\/gl\/wp-json\/wp\/v2\/media?parent=497"}],"curies":[{"name":"wp","href":"https:\/\/api.w.org\/{rel}","templated":true}]}}