Kishima


Kishima, Sisimiut

Inuk Kishimap tunuaniittoq tassaavoq Henrik Høyer Jensen, Qaqortumeersoq. Nuummut nooreeramili atukkani “Timmiaaqqatut” demonngorlugu Atlantic Music suleqatigalugu 2003-mi immiuppaa, kisiannili nuussualiavik aatsaat 2004-mi immiunneqarpoq saqqummersinneqarlunilu, Henrik Høyer piffissap ilaani Københavnimi najugaqareersimalersorlu tassaniinnermini nipilersugassiortarami. Tassani Atlantic Musicip nammineq nipigissaasua nuussiortitsisualu Mik S. Christensen nuussualiamik nuussiortitsisuuvoq akoorisuulunilu. Qatanngutigiit Uldumikkut DDR-meersut aammattaaq Kishimap nuussualiaani siullermi peqataapput, taakkulu saniatigut niilersortartut allat soorlu Hans Rosenberg aamma Angunnguaq Larsen. Nuussualiaqqaaq malitseqartineqarpoq ukiut pingasut ingerlaneranni Kalaallit Nunaanni tamani tamaani tusarnaartitsisarnernik tassanilu angalaqatigaat DDR aamma arnaq erinarsortartoq. Kingorna rappertartoq Peand-eL Tupaarnamut taarsiullugu ilaasalerpoq.

Atugaa ”Qiimaneq” nuussualiaqqaameersoq nuannarisaallualerpoq taannalu Kishimap atorpaa nuna tamakkerluu tv-kkut aallakaatitami december 2004-mi Henrik Høyer Jensen piginnaanilittut KODA’mit nersornaasigammat. Sumekkut erinarsortuata aappa Per Berthelsen nersornaasiinermut atatillugu nassuiaavoq Henrik Høyer Jensen nersorniarneqartoq nipilersugai Kalaalli Nunaanni nutaaliorfiummata.

2011-mi Kishima aappassaanik nuussualiorpoq. Nuussualiaa Kishimap demomi erinarsugaqqaavanik atserneqarpoq ”Timmiaaqqatut” siornatigut saqqummersinneqarsimanngitsumik. Jacob Christoffer Andersson immiussisuuvoq ”Timmiaaqqatut” Nuummi immiunneqarmat Atlantic Music suleqatfigalugu.

”Timmiaaqqatut” imminneqarnissaata piareersarneqarnerata nalaani nipilersoqatigit inuttarilerpaat: Malik Olsen (guitar), Frederik Elsner (guitar), Hans Otto Brandt (keyboard), Mikael Mortensen (Bas) aamma Martin Zinck (tumerparpaat), soorunalumi Henrik Høyer Jensen erinarsortuuvoq guitarertuullunilu. Tamatuma kingorna tusarnaartitsisarnerni Andreas Mathiasen nipilersoqatigiinni tumerparpaartunngorpoq.

Henrik Høyer Jensenip ulluinnarni suliarai grafik aamma tv, tamanalu takuneqarsinnaasarpoq nipilersoqatigiit musikvideoliaani grafik allaanerussuteqarmat Kalaallit Nunaanni musikvideoliaasartunut allanut sanilliullugu.

Nalunaarsuut:

Kalaallisuunngortitsisuuvoq Erno Aronsen